如何量度胸圍尺寸

雙臂下垂站立，請幫手用軟尺緊貼圍住胸部正下方嘅肋骨位置，確保軟尺要打直同保持水平。最好唔好戴胸圍量度，如果有配戴胸圍，留意唔好同胸墊、鋼圈重疊。將結果調整做最近嘅整數，呢個就係你下胸圍尺寸啦！

量度配戴胸圍時胸部最豐滿嘅位置，將軟尺拉直穿過後背，位置應該同地板呈水平，確保軟尺貼身但唔好過緊，將結果調整做最近嘅整數，呢個就係你上胸圍尺寸啦！